出爐喇出爐喇!講緊嘅就係內地發改委及生態環境部喺上星期日印發嘅《關於進一步加強塑料污染治理的意見》,裡面要求喺今年年底,全國所有餐飲行業禁止使用一次性塑膠飲筒,被網民喻為最強嘅「限塑令」。

 呢份《意見》又要求,2020年底除咗膠飲筒禁用外,連發泡膠飯盒、餐具、膠棒棉籤都一律禁止生產同銷售,同時亦禁止生產含塑膠微珠嘅日用品。除咗日用品、餐具之外,《意見》連郵遞包裝都有限制。北京、上海、江蘇、浙江、福建、廣東等省市嘅郵政速遞,將會喺2022年禁用塑膠包裝袋。直至2025年,內地全境範圍嘅速遞包裹,都將全面禁止使用膠袋、膠紙等塑膠包裝。果然係最強嘅「限塑令」,希望可以快啲全面走塑喇!

圖:網上圖片