農曆新年假期,唔少港人都會出國旅遊,但嫌貴或者無假嘅話,短短地去一轉廣州都唔錯,搭高鐵上去亦好方便。喺廣州花都,就有一個華南地區最大、全球第二大嘅室內滑雪場──融創雪世界,俾大家體驗白色冬日氣氛。

融創雪世界建築面積約7.5萬平方米,分為滑雪區同娛雪區兩個區域,滑雪區有4條不同難度嘅雪道,適合滑雪新手、老手嚟挑戰自己,滑雪區仲設有纜車方便前往難度較高嘅雪道。娛雪區方面,就有雪上飛碟、採險步道、冰上碰碰車、冰上自行車、飛躍冰川同七彩冰雕等冰上設施同遊戲,適合一家大細、男女老幼遊玩、「打卡」影相。

原圖:融創雪世界