好快又到農曆新年,對於單身人士嚟講,最煩惱莫過於拜年嗰陣要面對長輩嘅催婚。內地幾年前開始興租個假男女朋友返屋企過年,應付長輩嘅催婚,直至最近內地再次出現租賃男女朋友嘅現象,叫價更高達每日2000人民幣(超過2200港元),甚至乎睇相、講電話都要俾咗錢先。

但有內地律師提醒,雖然現時法例無明文禁止租賃男女朋友呢種行為,但有機會引致騙財、騙色等嘅事件,對雙方人身安全有一定隱患,存在道德法律風險。大家真係唔好博喇!

原圖:鳳凰網