下個禮拜就係農曆新年,唔知大家大掃除咗未呢?如果喺大掃除嗰陣,發現有啲書睇完唔要嘅話,不妨將啲書捐出,幫到人又可以減少浪費,一舉兩得!

最近商務印書館就舉行咗一個名為「書送祝福 知識傳播 全城齊捐書」嘅舊書回收活動,响今個月15至21日期間,大家可以將唔要嘅書帶到指定分店捐出,收到嘅書會喺4月上旬作義賣,收益扣除行政費用之後,全數撥捐香港沃土發展社。不過記住,今次活動係唔接受中小學教科書、雜誌報紙、非賣品同非書類物品㗎!

接受捐書嘅分店包括:

香港島:銅鑼灣圖書中心、康怡分館

九龍:尖沙咀圖書中心、德福圖書廣場

新界:香港中文大學書店、沙田圖書廣場(新城市廣場店)、屯門分館(時代廣場店)

原圖:FB@商務印書館 The Commercial Press