澳洲山火持續4個月,造成近10億隻野生動物死亡,而被視為澳洲國寶嘅樹熊更死咗達3成,情況令人擔憂,唔少人都紛紛呼籲救救樹熊。想要為樹熊出一分力?原嚟買熊仔餅就做得到。

唔知有無人同小編一樣,鍾意食樂天出品嘅熊仔餅?原嚟呢隻熊仔餅唔單止以樹熊做封面,仲喺1994年開始長期資助澳洲樹熊基金會(The Australian Koala Foundation)。澳洲樹熊基金會嘅成立目的係保護同研究樹熊,並透過同大學、各種研究機構合作,保育同恢復樹熊嘅棲息地。換言之,買熊仔餅都可以幫到宜家喺澳洲面臨火災痛失家園、生存受到威脅嘅樹熊!

圖:FB@家樂福Carrefour