澳洲終於落大雨喇,為持續多月嘅澳洲東部山火降降溫。山火至今已經造成超過10億動物失去性命,可以話係世紀生態大災難,前日維多利亞州包括悉尼、墨爾本等地都落起雨嚟,有外媒估計呢場大雨淋熄咗至少32處山火,令山火總數由120處減少至88處,有助控制火勢。

當地氣象部門就話,新南威爾斯省南部海岸本週末最多會有50毫米嘅降雨量,而維多利亞省北部亦會估計會有25毫米降雨量,多雨嘅天氣將會有助控制火勢。但部門氣象學家就警告,山光燒過嘅區域由於林木被焚毀,泥土會因為缺乏樹根抓緊而會變得鬆散,大雨同狂暴雷暴或會造成山泥傾瀉同樹木倒塌,呼籲居民要小心。

原圖:Pexels