早排多種產品驗出塑化劑超標,搞到人心惶惶,亦多咗唔少人關注食物含有塑化劑嘅問題。但除咗食物本身,裝食物嘅器皿都要慎重選擇。台灣有個65歲嘅女士,就係懷疑因長期用塑膠碗嚟飲熱湯,而增加患乳癌風險!

台灣腎臟科醫生洪永祥喺節目度分享一個病例,有位65歲嘅女士喺台灣街市賣湯麵,佢懷疑因為長期用膠碗飲熱湯,之後發現右邊乳房有個3至4cm嘅硬塊,及後確診患上乳癌第二期。醫生解釋話,當塑膠碗裝超過40℃嘅熱嘢會令碗內嘅塑化劑溶解,令人體攝入過多塑化劑。而根據台灣中央研究院、國家衛生研究院同台大醫院合組嘅一項研究報告顯示,經常接觸塑化劑產品嘅女性,佢哋患乳癌嘅風險會比一般人增加90%,而代謝力較差嘅女性罹患乳癌機會更加高出2.4倍。女士們要留意喇,寧願麻煩啲自備餐具,都唔好用咁多塑膠餐具!

圖:hkioc,paardekooper