越南朔莊省有個健身女助教黃玉漢(音譯,原名Huỳnh Ngọc Hân)以其型格外表、火辣身材,成為當地著名嘅網絡女神。但又有邊個估到,黃玉漢2年前曾經係個男仔頭,但因為向初戀對象表白後,慘遭對方拒絕並嘲笑,結果反而激發咗黃玉漢嘅決心,最後一舉「逆襲」成網絡女神。

 現年17歲嘅黃玉漢因為五官同父親相似,加上體形微胖,望落都幾「男仔頭」。佢試過喺初中嗰陣同初戀對象表白,點知初戀對象拒絕佢不特止,更喺其他同學面前大聲嘲笑、羞辱佢,令黃玉漢大受打擊。於是,黃玉漢開始做運動、節食、打扮自己,結果練出「小蠻腰」、「蜜桃臀」,更憑高超化妝技術擺脫「男子頭」,搖身一變成為網絡女神!最近佢仲喺社交網站公布自己成功出pool嘅好消息,真係可喜可賀呀~

圖:FB@Huỳnh Ngọc Hân