電視都有教,每日要飲78杯水先夠維持身體所需,而大家都知咖啡、奶茶、汽水等飲品雖然含有水,但絕對唔可以代替水!而茶係由茶葉加水沖成,望落就好多水分喇,但原嚟都唔可以取代水,而且茶嘅咖啡因含量亦比較高,分分鐘同飲杯咖啡差唔多。

 飲茶好處多多,但咖啡因亦都唔低,大概等同一杯咖啡嘅咖啡因含量,飲得茶多更可能加重心臟負荷,導致心臟病、心悸等,所以飲茶並唔能夠代替飲水。加上茶利尿,飲得多反而加快身體水分流失。另外,有腎病嘅人亦唔適宜飲茶,因為茶嘅磷酸鹽較高,飲太多更可能令腎病患者病情加重添。所以話呢,飲茶有益身體,但都需要節制,要注意過猶不及啊~

圖:ISTOCK