結婚乃人生大事,有能力嘅梗係希望將自己嘅婚禮有咁大搞咁大,搞得好好睇睇。但內地寧波有個「富二代」新郎就反其道而行,雖然身家過千萬,但結婚剩係擺4圍酒席,仲要無鮑參翅肚,連新娘件婚紗都唔使人民幣1000蚊,認真慳家。不過,原嚟呢對新人咁做,係為咗將婚禮慳落嚟嘅錢捐俾有需要嘅人!

 據報道,呢個「富二代」新郎嘅爸爸年入過2億,屋企非常有錢。但佢嘅婚禮就好簡單,接新娘嘅禮車係普通車,婚禮無特別表演節目,酒席都只係擺4圍,食嘅嘢亦好普通。新郎爸爸致詞嗰陣話:「在兒子大婚的日子,想在親朋好友見證下,讓兒子不要忘了企業家的責任,希望用這種方式告誡他,堅守初心、不要膨脹。」而新娘亦解釋,新郎咁做唔係姑寒,婚禮上嘅一餐飯可能係貧困家庭一個月嘅食飯錢,將呢筆錢慳落嚟可以幫到更多有需要嘅人,更有意義。新郎話今次婚禮慳咗110萬人民幣,已透過慈善機構幫助有需要、有困難嘅人。

圖:flickr