迎接新生命嘅到來本嚟係一件值得開心嘅事,但由原本嘅開心事變成親眼睇住老婆同BB先後離世,最後仲要簽字決定將BB嘅器官捐贈俾有需要嘅人,就唔係人人都做得到。

 內地浙江一對夫婦原本應該開開心心咁迎接女兒出世,點知媽媽因難產而死,BB女亦喺出世6日後因重度窒息離世。爸爸先後面對至親離世,諗起妻子曾經講過,如果生命無法挽回,就諗辦法多啲去幫其他人。於是爸爸決定將女兒嘅器官捐出,等女兒以另外一種方式活喺世上,感受呢個世界,佢相信過身嘅妻子亦一定會支持佢嘅做法。

 就喺決定捐贈器官、入手術室之前,爸爸流住淚輕吻女兒嘅額頭:「我的小天使,感謝妳來過這個世界。」BB女最後捐出一對眼角膜同一對腎臟,救咗一名重症患者,同埋幫2名盲人重見光明。小編睇完都忍唔住有啲眼濕濕,請大家都支持器官捐贈,遺愛人間。

圖:浙江新聞