較早前,位於深圳嘅粵港澳大灣區香港青年創新創意創業基地舉行揭牌儀式,來自粵港澳三地政府、企業、社會組織嘅代表及創意青年,合共超過400人,出席揭牌儀式。

基地將會打造成大灣區青年文化創意交流同創業嘅平台,基地位於寶安區銀田創意園,總面積約3000平方米,由影像基地同藝術展廳組成,舉行藝術展覽、時尚發布、文藝表演等各類文化藝術活動。

基地營運方表示,現時已經有37家企業入駐,深圳市對港澳居民創業、就業有唔少優惠政策,佢哋將會協助入駐嘅港澳青年積極申請。

原圖:粵港澳大灣區青年協會