做服務性嘅行業,最怕遇到啲吹毛求疵嘅客人,要求多多難以滿足。最近重慶一間餐廳連續幾日都收到同一客人嘅訂單,發現備註欄上總係寫咗特別要求,「老闆,我對毛過敏,麻煩幫我將雞腋下嘅毛去乾淨」。點都估唔到,呢位老闆真係滿足晒客人嘅要求!而且行為仲超有良心,唔少網友都跪求店名紛紛要去幫襯!

令人驚訝嘅係呢位老闆無嬲同置之不理客人嘅額外要求外,每一次都完美滿足客人嘅要求,而且仲拍埋片證明自己真係有幫客人除去豬耳同雞翼嘅毛!網民都大贊老闆好有良心,咁樣嘅老闆真係好少見!

原圖: 騰訊,看看新聞

  #除毛 #良心老闆