對於小朋友嚟講,聖誕節最開心嘅莫過於拆禮物啦!不過美國呢位小朋友可能興奮得滯,竟然差啲連屋都燒埋?

12歲嘅Cayden McKinney喺去年(2019)聖誕節收到一個放大鏡,立即就想實驗一下可唔可以成功用放大鏡聚焦起火。

佢同2個兄弟準備好紙同放大鏡喺花園做實驗,好順利咁點著咗張紙,但亦好唔小心咁點著咗花園嘅草坪。3兄弟見到花園著火都嚇咗一跳,立即跑入屋向大人求救。全家人一齊衝出去救火,好彩最後只係燒焦咗花園嘅一塊草坪,原本用嚟點綴節日氣氛嘅燈飾亦被燒融。

Cayden嘅媽媽將一家人成功救火後嘅畫面上載上FACEBOOK,只見全家當時正著住同系列睡衣喺花園收拾,畫面有說不出的有趣。好彩今次無造成重大傷害同損失,但一家成為佢哋一家人最難忘嘅聖誕節。

原圖:Nissa-Lynn Parson@ Facebook