養小動物雖然係開心,但要花好多嘅心機、時間照顧,尤其係一啲重複性嘅工作,都咪話唔攰。來自荔景天主教中學嘅曾同學係甲蟲主人,甲蟲需要於固定濕度下生活,為咗保持箱內嘅濕度,主人需要定期監察同喺箱內噴水。而呢項工序既花時間又繁瑣,於是曾同學就發明出「甲蟲箱濕度控制器」,讓呢個工作可以自動進行,大大減輕飼主嘅工作量。片中仲有陳同學親自解說裝置嘅運作原理,同為飼主嘅你又點可以錯過呢?