對好多人嚟講,大白鯊係一種好神秘嘅動物,因為一生之中基本上都無咩機會可以親身接觸到大白鯊,所以近年嚟興起咗「鯊籠潛水」呢項旅遊活動,不過呢個活動都引嚟咗唔少爭議。近日,墨西哥發生咗一單「鯊籠潛水」意外,網上傳出咗25分鐘嘅意外影片,影片見到一條野生大白鯊頭撞鐵籠後卡實25分鐘,但成個過程無人出手幫條鯊魚解困,最終鯊魚喺觀光客面前失血過多慘死,事件引起外界震怒。

從影片睇到,有4名潛水客喺鐵籠入面,正近距離觀賞大白鯊時,大白鯊突然直接衝向鐵籠發動攻擊,但大白鯊嘅頭卻卡實喺縫隙之間,只能不斷掙扎,但可能過度用力掙扎,造成腮部大量出血,最後大白鯊因失血過多死亡。

事後,有當地環保人士指摘,點解成個過程成25分鐘都無人出手去幫條鯊魚,亦有海洋生物組織指出,呢類型嘅潛水活動會嚴重影響鯊魚生態,因為住住活動令到鯊魚浪費氣力,最後到真正捕食時,鯊魚可能會因氣力不繼而失敗,導致死亡。

原圖:晴報

#生態 #鯊魚慘死 #道德