山林大火、冰川融化、颱風吹襲,全球暖化引發嘅天災,全球無人能置身事外。有見及此,世界上唔同嘅持份者都有就住全球暖化呢個議題表示關注,當中亦包括藝術界。位於柴灣嘅青年廣埸由即日起至12月8日一連三天舉行「Garden of the Artisans藝術節2019」(「GOA藝術節」),邀請來自世界各地約60位青年藝術家,喺青年廣場Y旅舍52間客房空間內,以藝術弘揚「珍愛地球」為主題,展示關注全球環境問題、具環保意識嘅藝術品,希望能為社區注入更多綠色訊息,引起更多人關注。


除咗展覽之外,藝術節期間仲有多埸草地音樂會,屆時將會有走紅香港Busking界嘅日本歌手Mr. Wally、新世紀青年管弦樂團成員組成嘅「J’s Trio」、香港唱作歌手勞嘉怡(Yuki Lovey)以及香港數學搖滾樂隊「話梅鹿」。


對藝術有興趣嘅你,今個Weekend 一定唔好錯過嘞!



#環保圈 #藝術圈 #全球暖化 #青年藝術家