「一條小抹香鯨,擱淺喺沙灘…」歌就聽得多嘞,最近喺蘇格蘭,就真係有一條抹香鯨擱淺死亡。據外國動保團體表示,嗰條抹香鯨喺蘇格蘭哈里斯島擱淺死亡,經解剖後發現抹香鯨胃塞滿漁網、膠袋、手套、膠杯等100kg海洋垃圾,並喺鯨魚胃中囤積成球狀,相信垃圾已累積咗好一段時間。

雖然無證據顯示呢啲垃圾會直接導致抹香鯨死亡,但環保團體都呼籲各界應重視海洋垃圾問題,並諗方法去減少環境污染對海洋生物嘅影響!地球大家都有份架!你同我都有責任保護環境!

原圖:SMASS

 #擱淺 #抹香鯨