英國人鍾意飲茶就係人都知,但估唔到英國嘅馬都一樣咁鐘意飲茶!呢隻馬叫Jake,每日朝早一杯特別調制嘅英國茶,成為呢隻馬每朝起身嘅動力,若果早上無茶飲,Jake仲會唔起身添架!

Jake唔係普通嘅馬,佢效力於英國默西賽德郡警察局嘅騎警部門,仲服務咗15年。而佢並非一出世就鍾意飲茶,事因某一日朝早,佢偷偷飲咗騎警嘅英國茶,從此就愛上咗飲茶嘞!Jake鍾意飲嘅英國茶仲有特別配方,就係喺茶葉加上脫脂牛奶、兩茶匙糖,最後加上少少凍水為呢杯茶降溫。

雖然Jake好有性格,要飲完茶先肯起身返工,但佢工作起嚟相當專業。另外,Jake會喺下年退休,相信退休之後,每朝就可以慢慢嘆茶,享受慢活人生!

原圖:ETTODAY

 #英國 #騎馬 #英國茶