日本有個好心男於路邊見到5隻流浪「小貓」,見住佢哋四周遊走,好心男決定收養佢哋。但主人帶著「小貓」去獸醫診所做檢查時,獸醫竟然話呢幾隻唔係貓,而係係狗,令主人相當吃驚。但佢相信獸醫專業嘅判斷,自此以養狗方式飼養。但隨著「小狗」長大,外表長得愈嚟愈奇怪,同一般小狗樣子有差異。最後發現呢幾隻小動物,竟然不是猫,也不是狗‥‥‥

原來嗰幾隻小動物係「日本狸」!原來日本狸於幼兒時,外表同叫聲都好似貓咪,而長大後,其毛茸茸嘅樣子就會同狗相似,所以好易令人認誤日本狸為貓或狗。主人一直都以養狗嘅方式飴養,但當佢最後得知自己養緊嘅係日本狸,佢決定交返俾專業人士照顧。

主人仲將佢嘅經歷放上網,引起網民熱烈討論。有網民仲貼咗張日本狸戴住狗仔頸圈嘅相話,真係好易搞亂呢隻小動物既真正身份。

圖:UK134, twitter@dorokei