生活意義,究竟喺乜呢?相信每個人都有唔同嘅答案,而對於呢位英國銀行家而言,佢認為生活嘅意義,就係花時間喺自己熱愛嘅事上。30歲Nick Butter,原本係銀行家,同時相當熱愛跑馬拉松。喺2016年一次嘅馬拉松賽事上,佢認識咗一位確診前列腺癌症末期嘅跑友Kevin Webber,令佢得到唔少啟發。

Kevin Webber當時剩返2年壽命,但佢無放棄人生,反而積極生活,做自己熱愛嘅事。Nick由此深受啟發,於是佢辭去銀行家一職,規劃咗一個為期2年馬拉松行程,要跑曬全球嘅賽事,同時亦為英國前列腺癌慈善組織籌錢。

為咗準備呢個2年嘅行程,Nick一共申請咗10本護照、120個簽22個月證、坐咗466程航班,事前準備工作可以話非常花心機。最後,Nick用咗22個月完成咗196個國家嘅馬拉松,共跑咗約8,256公里路,更成為全球唯一一人完成呢個壯舉嘅人。而佢亦都為前列腺癌慈善組織籌集咗逾8萬英鎊善款。

Nick計劃於明年出版兩本書,講述自己經歷,仲會喺明年7月展開演講之旅,用自己嘅故事激勵其他人追逐自己真正熱愛嘅事。

圖:instagram@ @nickbutterrun