打工仔搵工最緊要就係搵間福利好嘅公司,有啲特別假期其他公司冇嘅就已經覺得賺咗,最近就有間日本公司推出新福利,就係唔食煙嘅同事每年都可以有多6日大假!


事源係因為依間公司喺29樓,如果同事要食煙就要搭𨋢落地下嘅吸煙區,一上一落再加食支煙嘅時間加加埋埋都要成15分鐘,令到有啲唔食煙嘅同事覺得食煙嘅同事有依啲放輕鬆嘅時間,自己唔食煙嘅就冇唔係好公平,所以就同公司反映,最後公司高層了解完後都好認同,決定補償返俾啲唔食煙嘅同事有額外6日嘅有薪假。同時,公司都希望推行咗依個福利後,可以鼓勵到食煙嘅同事有動力戒煙!


圖:Shutterstock


#生活圈 #日本 #公司福利 #唔食煙 #有薪假 #戒煙