媽媽真係唔易做架,好不容易懷胎十月過後,又要忙餵奶又要氹訓覺,好多時抱住BB氹緊訓時,啲BB可能隻手唔知做咩好,就會係咁扯媽媽啲頭髮,媽媽真係又愛又恨,英國就有位媽媽靈機一觸搵個假頭公仔黎代替自己氹囝訓覺…

 

依位英國媽媽Ilarni Clark因為經常被囝囝扯頭髮,所以就問咗位朋友拎咗個同佢自己髮色好相似嘅假頭公仔做佢替身用嚟氹14個月大嘅囝囝訓覺,點知囝囝喺假頭替身嘅陪伴下真係可以訓得著,仲慢慢習慣咗自己訓覺。當媽媽以為甩難之際,諗住假頭替身都可以功成身退時,發現假頭成為咗囝囝嘅寵兒,囝囝而家做咩都要假頭陪住,不論食飯,出街,就算訓訓下覺拎走個假頭囝囝都會即刻大叫大喊!


雖然囝囝同假頭就好Friend喇,但Clark同老公有時都會俾個假頭嚇親,有次Clark想俾個Good Night Kiss囝囝時,仲唔小心錫錯咗個假頭公仔,攪到有陰影添呀!究竟媽媽係咪真係甩難呢?哈!


圖:FB@Kennedy news and media


#奇趣圈 #生活圈 #英國 #假頭 #替身 #氹囝訓 #寵兒 #陰影 #甩難