咖啡喺唔少香港人眼中都係生活嘅必需品。香港人生活節奏急速,一般平均睡眠時間每日都不足8小時,所以好多人喺返工返學前,都會買杯熱騰騰嘅咖啡提神。但喺呢個生活習慣就產生多咗好多膠杯蓋垃圾,估計每日已經有50幾噸膠杯蓋要棄置,讓海洋大受污染。有見及此,有公司設計出一款無蓋紙杯,促使大家一齊走塑!

經過四年研發,UNOCUP創造出「一體式無蓋紙杯」,又型又實用!開發人員仲話,已經確保最終設計具備高防漏性!而喺人體工程學上,隻杯嘅弧形角度,使用家可以流暢飲用,唔洗擔心杯蓋彈出或者折斷等情況出現。

設計團隊盼望盡快將紙杯引入餐廳同咖啡店中,並可以喺唔改變大家嘅生活習慣前題下,有助減廢,讓消費者享受方便同時,甚至擁有比以前更好嘅體驗!

原圖:UNOCUP

 #減廢 #時尚咖啡紙杯