呢一對父女究竟經歷咗啲咩嘢?最近網上有一段影片,片中一對父女喺地鐵上呈斷片式昏睡。爸爸整個癱坐喺座位上,頭部向後靠窗,口部不自覺地張大,而坐喺爸爸身上嘅囡囡甚至昏睡到跌向隔離嘅坐位上。

雖然爸爸中途因為列車行駛過程有少少顛簸而搵返少少意識,但仍然不敵睡魔,只係稍微合口就繼續昏睡。兩人嘅睡相引起網民討論,有人好奇「阿爸湊囡辛苦啲」定係「阿囡湊爸爸辛苦啲」?亦有唔少爸爸感同身受,表示湊小朋友真係好容易「靈魂被抽乾」。真係辛苦哂天下嘅父母啦!

原圖:FB@三小