Halloween過咗,但最近有位日本網友share咗張相,相中有位媽媽著住脹卜卜好似羽絨咁嘅大褸,心口就掛住疑似小朋友嘅遺照咁揸電單車,個畫面非常咁詭異!


後來眼利嘅網民就發現依件大褸其實係淘寶有售嘅電單車擋風親子衫,脹卜卜嘅大褸可以包實晒大人同小朋友,仲係冬季限定商品添!而心口好似放咗張相嘅位置原來係個透明嘅大長方形,係俾啲小朋友係衫裡面望出去,完全係為咗揸電單車嘅父母湊住小朋友揸電單車而設,標榜既擋風又保暖。


好多網友睇到後都表示驚訝,唔知點解有人會諗到依個設計。設計嘅嘢,各花入各眼,大家識咩丫 XD


圖:harakoatom


#奇趣圈 #中國媽媽 #囡囡 #遺照 #電單車 #淘寶 #冬季限定商品 #電單車擋風親子衫