機場人來人往會特別聘請多啲打工仔協助旅客就係人都知,但你又有無聽過有機場聘請「打工豬」嚟幫手?係美國三藩市舊金山機場就聘請咗隻「打工豬」為旅客帶來正能量!


舊金山機場近年就引入咗Wag Brigade動物輔助治療計劃,招募一班好可愛嘅動物舒緩吓旅客旅途中嘅壓力同疲勞,從而希望可以同旅客慢慢建立感情。依個計劃係2013年就開始同三藩市愛護動物協會一齊推行,計劃開始時,大部分嘅動物都係狗仔,當中5歲嘅LiLou就係唯一一隻「打工豬」,當LiLou見到旅客係安檢閘口或登機閘口前時又會同佢打招呼,又會同佢地影相,有時仲會使出「絕技」彈玩具琴,氹到班旅客非常開心!


圖:IG@lilou_sfpig


#動物圈  #旅遊圈 #三藩市 #舊金山 #機場 #打工豬 #正能量