而家好流行外賣APP,就算深宵餓肚都會有專人為你送上宵夜,最近就有位台灣網友係「爆廢公社」出Post,話有晚返完夜,放工返屋企叫咗個外賣鹹水雞,滿心期待打開時,竟然見到入面有條「巨型蜈蚣」!


包鹹水雞入面有好多唔同嘅配料,但最搶眼嘅有條深啡色,個身好長嘅「蜈蚣」,側邊仲有好多「斷腳」圍住添,嚇到女網友成個人即刻醒晒,之後佢發現條「蜈蚣」好似郁都唔郁,再冷靜細心望吓時先發現原來條「蜈蚣」係好有營養又爽脆嘅「紫晶藻」!好多網友睇到張相都話嚇一跳,有啲網友仲問係咪真係肯定真係唔係蜈蚣嚟添喎!


圖:FB@爆廢公社


#外賣 #鹹水雞 #蜈蚣 #紫晶藻