網上買咗嘢梗係想要快啲收到。內地有個盡心嘅速遞員好明白客人嘅心態,即使冒着風雪騎馬都希望盡快將貨物送到客人手中。

踏入十一月,香港天氣開始轉涼,而內地有啲地方早已入冬,部份地區仲落埋雪添!成地鋪滿雪,路面相當滑,唔單止人覺得難行,車都寸步難移。而呢名速遞員眼見車去唔到送貨地點,於是改用其他交通工具。估佢唔到喺,佢竟然揀咗一個非常古代嘅交通工具─馬!

速遞員騎住馬,並帶住貨品送到顧客手中。呢幕俾途人拍下,喺網絡引起熱烈討論。網民紛紛留言,「王子騎著馬給你送快遞」、「騎馬要駕照嗎?」。為咗送成任務,呢嗰速遞員真喺用盡方法。所以話呢,呢嗰世界無嘢喺無可能嘅,只在乎有無心去做架啫,喺咪?

圖: weibo@少年不打太极 ,中國日報