大時大節個個都想去玩或者同屋企人過,若果公司提供免費晚餐俾你OT,你又制唔制? 

每年美國嘅感恩節同黑色星期五大家都會shop得非常開心,並為企業帶來非常可觀嘅收入,但係喺呢個節日背後,亦都辛苦一班為感恩節瘋狂OT嘅員工。根據外媒報導,美國零售巨頭Walmart 一向都唔會請季節性員工以應付感恩節嘅額外人力需求,佢哋只會要求現職員工頂硬上OT,但最近Walmart 就話為咗報答前線員工喺感恩節嘅努力,決定喺今年11月27日至11月30日期間返工嘅員工,除咗有10%員工Discount外,仲有另外嘅15% Discount,仲未完!OT時仲有免費嘅晚餐提供!唔知員工們滿唔滿意呢項措施呢?

但原來都有零售商選擇尊重家人團聚嘅節日傳統,喺感恩節選擇休息,等員工同屋企人渡佳節,唔洗返工。

原圖:Supply Chain Brain 

#節日圈 #唔洗返工 #OT #免費晚餐