年薪港幣1500萬嘅工,聽到都流晒口水嘞!但當你知道份工實質嘅工作範疇之後,你又想唔想做呢? 原來喺美國,有種職業叫體味檢定員,職責主要係近距離聞唔同人嘅腋下味道作評分,以測試除臭劑同止汗劑產品,年薪甚至可達1500萬港元!

近年嚟,美容業認為除臭劑同止汗劑產品喺市場上有利可圖,因此好多廠商都會喺產品推出之前,委託「體味檢定員」進行測試。測試中,檢定員會以中空嘅平頭圓錐蓋住測試者嘅腋下,然後直接上前靠近細聞!然後就根據氣味嘅濃烈程度評分,由0至10分,數字愈高就代表氣味愈濃。

有體味檢定員坦言,外界以為佢哋對腋下有特殊癖好,但其實並唔係,反而仲話部分測試者嘅體味好可怕同噁心!佢哋其實都係打份工啫!

圖:World Gym Taiwan Blog

 #嗅腋下 #1500萬