畢業禮係人生中一個好重要嘅日子,意味住人由一個階段進入另一階段,亦係成長嘅過程,所以好多人都會喺畢業禮影好多相留念,以記住呢一日。早前喺馬來西亞有一位爸爸出席仔仔嘅畢業禮,佢見到另一位爸爸因為無力負擔畢業相嘅費用,黯然離開。後來佢就代嗰位父親畀錢,為對方圓夢,埸面十分感人。

嗰位暖男爸爸話去睇仔仔畢業禮,咁完咗儀式之後,爸爸就帶埋個仔去攝影棚拍照留念,排隊嗰陣,佢聽到前面有另一位父親問影相要幾錢,工作人員答佢要$38蚊港紙。聽到之後嗰位爸爸就同個仔講要返屋企啦,唔影啦!然後神情沮喪咁離開,個仔亦都相當失望!於是事主就決定幫嗰位爸爸畀呢$38蚊,初頭嗰位爸爸都唔肯接受呢$38蚊,但後來暖男爸爸就話當年自己都辛苦過明白佢嘅感受,窮爸爸就緊緊擁抱暖男,仲喊咗出嚟。暖男仲鼓勵話:「你仲後生,依家只係人生嘅一個階段,若努力拼搏,總有一天會苦盡甘來。」

圖:akuskizo@twitter

 #畢業禮