細個嘅時候好多小朋友都想買一對「發光鞋」,一路行一路閃,都幾型啊!但如果小朋友有呢對鞋就要留意一下啦!事因加拿大一名女子日前喺屋企為女兒舉行生日會,家中突然起火,冒起約1米高嘅烈火,好彩及時發現成功救熄。事後檢查時發現原來係5歲兒子最愛嘅「發光鞋」起火,全家人都感到好驚訝!原來鞋都會著火!

據稱,事發時「發光鞋」放喺仔仔書包內,而書包則掛喺牆上。當時,其中一名參加party嘅女仔突然大叫「著火啊!」佢哋就立即上前救火。好彩及時發現,火焰好快就被撲熄,亦未造成太大損失!初步睇嚟,有可能係鞋底嘅電池短路釀成火警。而事主都提醒大家,著呢款發光鞋時有安全隱憂,因為之前都有同類型嘅案件發生過,所以大家都要小心啦!

原圖: CTV News

 #發光鞋 #短路