要戒除一個壞習慣確實唔容易,但只要有心,無嘢喺無可能嘅!美國一名37歲嘅男子Kenny Dunn自大學時期開始飲酒,之後仲變成酗酒,高峰期仲日飲24支酒。佢意識到自己逐漸被酒精控制,於是決心戒酒。佢用咗3年時間慢慢戒掉酒癮,唔止變得更精神,仲順便減走埋嗰75磅嘅啤酒肚添!

其實Kenny一直都想戒走酒癮,但往往每隔幾日、幾星期又或幾個月,又重新飲返酒。至2016年時,Kenny每日都會飲酒,每日至少飲12至24支酒,每星期「斷片」3至4次。而佢最後一次飲酒,喺於3年前,佢放一星期大假,嗰時佢買了一箱啤酒,仲諗住喺一星期內飲曬佢。

而喺第一晚,佢就飲咗19支酒。當時佢突然醒覺,因為酒精,令佢對生活失去咗控制。於是,佢下定決心要戒酒,仲為此每日影相記錄。戒酒第一日,佢睇落氣色好差;但到了咗第30天,佢外表望落更有精神。Kenny仲話,戒酒後每天都十分美好,仲減走佢個多年嘅啤酒肚,依家更養成閱讀、做運動等良好習慣。

戒除一個壞慣嘅過程的確唔容易,甚至相當痛苦,但只要堅持落去,最終見到成果!

原圖:imgur@dunnkw01

#開心圈 #酗酒 #戒酒 #美國