有人話「多勞多得」,係咪真係工作時間長啲,工作效率同成果會大啲?微軟日本(Microsoft Japan)喺今年8年推行「Work-Life Choice Challenge Summer 2019」測試,安排公司2300名員工每星期只返星期一至四、縮短會議時間等等,之後發現公司嘅電費同用紙量下降之餘,同事嘅工作效率仲不減反升,以作為效率參考嘅人均銷售額比舊年同期提升咗四成。

嚟緊微軟日本仲計劃推行冬季版測試,繼續實行四日工作,但不再規定同事放星期五至日,容許同事因應工作需要彈性安排休假。

原圖:unplash