地球正進入緊急狀態!有1.1萬名科學家聯署,警告地球正進入「氣候緊急狀態」(climate emergency),仲話如果我哋再唔改依家「過度消費」嘅模式嘅話,會為地球帶嚟無盡痛苦。

科學家喺《Bio Science》發表「World Scientists' Warning of a Climate Emergency」嘅研究報告指出,人類現時嘅消費模式對地球造成極大傷害。報告以人類及動物數量增長、人均肉類消費、全球樹木覆蓋量、能源消耗量、化石燃料補貼作指標,得出人類過度消費嘅生活方式結論。呢種模式令地球進入「氣候緊急狀態」。

為咗守護我哋地球,其實每人只要改變少少生活習慣就可以!例如多菜少肉嘅飲食模式、唔用電器時順手關咗佢等等,少少嘅改動,都可以幫到地球架!

圖:phys.org