豬肉紙係好多香港人選擇嘅台灣手信,特別鍾意佢薄脆又香口,原來而家仲有鮮肉版!

有台灣網民喺「爆廢公社」分享自己去打邊爐嘅牛肉片,只見黑色肉盤上面嘅肉片薄到透底,連肉盤嘅紋路都清晰可見,直呼「下鍋煮熟後還差點撈不到」!

呢一盤盡顯刀功嘅超薄牛肉片令一眾網友嘖嘖稱奇,特別讚嘆廚房師傅技藝高超,有人仲話要熄細少少冷氣,如果唔係會吹走咁話喎!但亦有人解畫指肥牛片通常都係機械切片,可能只係設定錯誤啫!


#圈新聞 #打邊爐 #肥牛