一年有好多唔同嘅節日,多數都係俾大家一個機會同親朋好友去慶祝聯誼吓,雖然多數近年都難逃成為商店、百貨嘅「感謝祭」活動,但都叫做有個源頭,可以解釋下。咁近年興起嘅雙11「光棍節」,大家上網買買買,究竟「光棍節」又係邊個發明嘅呢? 


小編搵到唔同嘅資料,內地嘅說法係因為11月11依4個阿拉伯數字「1」好似4條光滑嘅棍,而光棍又有單身嘅意思,所以就將依日定為單身一族嘅節日,而有唔少人為咗紀念正式「脫單」會定係依日結婚。而淘寶都定咗依日為每年一度嘅促銷日,之後又有好多大型網店見都跟住係依日進行促銷活動,所以雙11就逐漸成為咗全球購物促銷日嘞。


而係日本除咗買平野,有好多年輕人就將11月11日定為「Pocky告白日」,除咗因為日本國民零食長棍型嘅Pocky好似1111外,每年嘅依一日Pocky都會舉辦唔同嘅慶祝活動,年輕人們緊係唔會錯過喇,大家都會發揮唔同嘅創意,係依日用Pocky做出各種瘋狂嘅舉動,例如大量購入Pocky再整出巨型裝飾;又會有啲唔同嘅小遊戲,例如兩個人同時食一條Pocky,邊組食得最短就贏,大家為咗贏通常都會食到嘴掂嘴添,所以係依個時候就會有人會趁機告白,告別單身!


小編睇咗咁耐雖然查究唔到邊個發明光棍節,但可以買到平野,又有個好機會可以告白,甚平正式脫單,相信對大家嚟講都係一個好好嘅節日嘞!


圖: 天貓、Pocky、文匯報


#生活圈 #光棍節 #Pocky #告白日 #脫單