唔知大家有無聽過一個都巿傳聞,話「麥當勞嘅食物唔會變壞」? 冰島男子Hjortur Smarason就係基於呢個假設,於2009年冰島最後一間分店結業時,買咗全冰島最後一份漢堡薯條做實驗,同時作為留念。結果啲食物過咗10年都無發霉!

Hjortur Smarason買咗啲食物返屋企後先用膠袋保存,之後放喺屋企嘅車庫。三年後發現嗰餐點仍舊完好無缺。之後於輾轉下,直到現時為止份薯條漢堡都存放喺斯諾特拉之家旅舍(Snotra House)嘅玻璃櫃中,旅舍仲安裝咗嗰鏡頭,俾各國嘅人實時睇呢啲食物嘅情況。

旅舍嘅老闆仲話「呢份套餐無發霉,只係包裝紙望落有啲舊,都讓你思考自己到底吃咗啲乜。」而麥當勞官方亦都喺2013年回應過呢嗰十年如一日嘅漢堡薯條,表示喺普通環境,我哋嘅食物會正常分解,但若果環境乾燥無水分,就唔會發霉同唔會分解。

無論關唔關天氣事都好,快餐始終喺高油高脂食物,都係少食為妙嘞!

圖:Facebook@SnotraHouse