十個打工仔有九個有諗過「裸辭」,但最後因為更多理由令人繼續坐喺原位。法國近期就推出新嘅勞工政策,為裸辭嘅打工仔提供15個月嘅「救濟金」,幫助一啲有創業諗法但苦無資金嘅打工仔。 

法國政府希望呢一筆相等於舊工作15個月薪金嘅救濟金可以幫助辭職人士創業,不過申請者需要符合指定條件。根據法國媒體《The Local》報道,申請人要喺原公司工作最少5年、申請人願意接受計劃提供嘅訓練課程、提供創業計劃及可行性以及喺領取福利期間由勞工就業部監察成立公司。就算最終創業失敗要返去打工,申請人仲可以喺5年冷靜期後再次申請,由政府支持你屢敗屢試。 

正所謂「授人以魚,不如授之以漁」,幫助創業亦都有好多方法,值得發揮創意啲諗下!

 原圖:網絡圖片

 #裸辭 #創業基金 #法國