一講起高級好西都會諗起鵝肝,但其實製造鵝肝嘅過程係非常殘忍,所以早幾日美國紐約市市議會就通過有關法案,係2020年底起會全面禁售鵝肝!


商家為咗整一塊口感香滑嘅鵝肝,不單止將啲鵝困係一個好細嘅籠到唔俾佢地有任何運動,仲每日用喉灌2公斤嘅穀物、粟米、藥物同脂肪入胃,務求要佢地將啲食物轉化成脂肪,令佢地個肝比正常大6至10倍,咁個肝就夠晒肥美賣到個好價錢!


就係因為個過程實在太殘忍,所以美國紐約市市議會係過去嘅星期三(10月30日)通過法案,由2022年10月開始全面禁止出售同供應鵝肝,違規者會被罰500美元至2,000美元。依個法案通過後,緊係有好多唔同聲音喇,有人支持唔想令啲鵝受苦,亦有人反對覺得會危及公司同員工嘅生計。不過其實除咗美國,英國、以色列、印度等國家都已經有禁止銷售或生產鵝肝嘅法例架嘞。


圖:網上圖片


#動物圈 #食物圈 #鵝肝 #殘忍 #紐約 #2022 #禁售