想試吓去working holiday 但又唔敢去太遠? 不妨考慮下機管局呢嗰計劃!為咗儲備航空人才,機管局同青協合辦「工作×假期@大嶼山」,計劃會提供一年免費住宿,同埋喺機場的工作機會,有意喺航空界發展,又或者想試轉行嘅年輕人,萬勿錯過﹗

是次計劃涵蓋多個航空工種,包括航空服務、航空貨運、機場保安、技術服務、機械工程、零售及飲食服務等等,俾申請人自由選擇,咁多工種,實搵到款啱自己!至於想參加計劃嘅條件亦都唔高,只要18歲或以上、具3年或以下工作經驗嘅青年就可以報名。

另外,計劃仲會提供7,000元學習津貼,參加者可選擇任何想學習嘅項目,如皮革製作班及化妝課程等等,學多個技能傍身。計劃喺今個月16日截止喇,要報名就趁手!

圖: 馬蜂窩