做KOL絕對唔喺後生仔女嘅專利!年過半百都一樣做得!呢兩位嚟自法國同日本嘅婆婆,非常喜愛時裝,每次出街都會細心打扮,仲會影相放上instagram同網友分享,吸引咗唔少嘅Followers添!

呢位嚟自法國嘅Sylviane Degunst,今年60幾歲,喺64歲嘅高齡成為模特兒,仲幫Prada拍過廣告,認真巴閉。佢喺年輕時好討厭自己嘅頭髮,因為佢喺後生時已經滿頭白髮。但後嚟佢慢慢接受自己,仲寄語大家話︰一定會有唔滿意嘅地方,但你可以改變心態,而唯一可以放過自己嘅人,就是你自己。

另一位嚟自日本嘅婆婆,Masako Kojima,佢唔會因為年紀大而限制自己穿搭,而喺根據自己喜好而穿著。唔單止咁,Masako仲非常有性格,即使喺社交媒體上有大量關注,但依然活出自我,唔會因為咁而強迫自己每日更新。

年紀,從來都唔喺阻礙,任何時候都可以活出自我,忠於自己。

圖:Instagram@londonoeil、Instagram@masako_kojima_desu