職業無分貴賤,唔同嘅職業都一定有佢嘅功能同貢獻。最近新加坡有位大學生喺網上分享,話爸爸日前去大學探佢,兩人一齊去食堂用餐,點知有位婦人當眾羞辱身穿清潔工制服嘅爸爸「污糟死」。大學生當埸心碎不已,只希望自己可以盡早自立,讓爸爸可以享清福。

大學生嘅爸爸係一位年近70嘅清潔工,為咗生計,早晚返兩份清潔工.,平時無咩時間陪仔仔,於是一日趁著突如其來嘅半日假,就穿著清潔工制服到學校探吓仔仔。兩人去到學校嘅飯堂食Lunch,排隊買嘢食嗰時,有一位衣著光鮮嘅婦人排前面,嗰位婦人將辣椒醬遺留喺點餐櫃枱上,爸爸以為係多餘嘅醬料,就拎咗嚟用啦。點知個婦人就上下打量學生嘅爸爸,又諷刺佢拎咗佢枝辣椒醬,話:「你掂過嘅嘢我唔會用!」呢句說話,直插學生嘅心臟。成餐飯學生都以淚洗臉,佢內心好嬲,好想幫爸爸出返啖氣,亦好想自己有能力令爸爸早啲退休享福,唔洗再受呢啲氣。

呢件事喺網上引起咗好多回響,唔少人都留言支持樓主,仲鼓勵佢話「唔好難過,你應該對父親仍然健康地工作感到高興」、「你父親很幸運能有你陪在他身邊」小編都要講句「加油啊樓主!」。

原圖:網上圖片

#職業無分貴賤 #清潔工