一年一度嘅萬聖節又嚟啦!喺節日狂歡背後,其實你又知唔知呢個節日係點嚟嘅呢? 關於萬聖節嘅起源有好幾個版本,最普遍嘅講法就源自於凱爾特人。呢個「死節」1031日傍晚開始,象徵收割結尾冬天開始,亦象徵凱爾特人新一年嘅開始。而古西歐嘅凱爾特人相信呢一日係兩個年度交接時刻,「兩個世界之間的幕」嚟到最薄弱嘅時候,亡魂會重返人間,而佢哋認為燈火可以為呢啲亡靈指路,所以年輕人就會戴住怪異嘅面具同穿著恐怖嘅服裝,結伴舉燈喺村落度遊走,引領亡靈返去原本嘅地方。亦都有講法係話燈火有保護、淨化嘅功能,點燈可以保護自己,免受亡靈騒擾。

 


喺呢一日,除咗打扮鬼怪,我哋成日都會聽到小朋友問Trick or Treat?,其實呢句說話係相傳於邪魔會喺萬聖節加害於人,所以凱爾特人就要討好(Treat)呢啲鬼靈,免得佢哋作惡報仇(Trick),所以就有人會喺屋企門前放置食物,畀啲鬼靈去享用,呢個就係“Trick or Treat”嘅起源。

 

不過踏入21世紀,萬聖節嘅宗教色彩已經慢慢咁被淡化,依家嘅人普遍會喺呢日化一個恐怖嘅妝,去吓party、一班人飲吓嘢,狂歡慶祝。

 

原圖:網上圖片

#圈生活 #萬聖節 #trickortreat