男又話要減肥,女又話要減肥,點解睇人哋好似咁容易架呢……韓國一名Youtuber Jini喺網上分享自己嘅減肥經歷,佢喺兩年間由減咗50kg!唔單止改善健康,體形都fit唒,個人靚唒!究竟佢喺點樣做到架呢?

Jini體重原本近100kg,靚唔靚都係其次,最大問題因為太重令腰椎出毛病,而佢爸爸亦睇唔過眼,於是拉佢去做運動。啱啱開始做運動時,Jini每次都上氣唔接下氣,令佢意識到自己身體真係好差!於是,激發佢減重嘅決心,並為自己制定一個為期3個月嘅減重計劃,仲成功減去24kg。

見到身體出現變化,Jini就繼續減肥,仲喺2年內成功咗50kg,足足減咗半個自己。Jini仲喺網上大方分享自己嘅減重心得,幫吓同路人。Jini話自己改變咗飲食習慣,以及恒常運動。喺飲食方面,佢會低油低鹽飲食,食多咗蔬菜水果。而運動方面,佢每星期做足六日運動,3日做帶運動,3日做肌肉訓練,梅花間竹咁做。

講到尾,其實做咩都要恒心(啫~),只要唔放棄堅持落去,最後一定會見到成果架!

圖:navarblog@justplay4me