趕Project忙到飯都無時間食,大家會唔會有時飲杯珍奶就當一餐? 咁可能已經傷害緊自己嘅身體。台灣一名前護士陳小姐就因為工作時間緊張、食無定時,經常貪快同方便補充糖分而以珍珠奶茶、朱古力熱飲等當正餐,結果患上卵巢癌。


陳小姐喺2011年發現自己左邊腹部出現脹痛,經檢查發現患上咗卵巢癌。當年佢正準備結婚,患病令佢一度想退婚。不過幸好丈夫不離不棄,不斷喺身邊鼓勵佢,最終成功對抗癌魔,但就要摘除一邊卵巢。雖然陳小姐之後曾經發現腫瘤復發,治療後又再發現癌指數上升,但佢每一次都非常積極面對追蹤治療。而家佢離開咗醫護工作,喺學校做義工,除咗專心照顧囡囡之外,亦會同屋企人去旅行,積過樂觀地生活。


#生活圈 #珍奶 #卵巢癌 #護士