考試出貓就梗係唔啱喇,所以好多試場為咗防止學生出貓,做咗唔少預防措施,但最近印度有間大學嘅防出貓方法真係好奇葩,笑到小編碌地!呢個方法就係要學生戴個紙箱喺頭度,等學生望唔到左邊同右邊,自然唔可以偷睇隔離~

由網上流傳嘅相可以見到,呢間大學嘅學生當時考緊試,而班學生幾乎每人頭上都有一個小紙箱,而紙箱正面開咗個窗仔,等學生只可以望到前面,一旦偷睇隔離就無所遁形。但呢組圖就引起當地大學教育委員會關注,要求校方停止有關做法,並考慮緊要唔要對校方進行紀律處分。校方主管已經出面道歉,強調「頭戴紙箱」係經過學生同意,呢啲紙箱亦係佢哋自己親手做好帶嚟學校嘅。

圖:Pinterest,India Today