智能電話、平板電腦等等電子產品成為大眾生活中不可缺少一部分,呢啲產品唔單止對大眾嘅生活帶嚟翻天覆地嘅改變,分分鐘仲對健康有影響添。近日美國大學研究指出,電子產品所釋出嘅藍光會加速衰老,大家使用電子產品嘅時候要注意喇。

美國俄勒岡州立大學進行研究,將A組果蠅放喺藍光光線 12 小時,B組果蠅放喺全黑環境,結果顯示A組果蠅視網膜細胞、腦神經元嘅受損程度比B組高,而且A組果蠅衰老情況會加劇,壽命變短。因為現代人嘅生活無可能離開電子產品,故研究人員建議喺用電子產品時,可以戴上橙黃色鏡片濾除光線,或者開啟電子產品中的過濾藍光功能,保障健康。

圖:hispantv