香港人生活步伐急速,莫講話休息,有時出街食飯都唔得閒,所以好多時會選擇食外賣,但成日食外賣原來有機會增加患癌機率,大家要注意喇!美國有研究指出,多食外賣人士,血液中可致癌物PFAS濃度比常吃住家飯嘅人高,而PFAS仲會積聚喺體內,好難排出。

有關研究《Dietary Habits Related to Food Packaging and Population Exposure to PFASs》相信,因為外賣包裝紙防水、防油塗層含有PFAS,而食物會直接觸碰到塗層,從而沾上PFASPFAS喺種耐高溫且不易降解嘅化學物質,研究發現,食完外賣24小時後,進食者血液中嘅PFAS會上升。雖然目前仲未清楚PFAS對人類健康有幾大程度嘅損害,但好多研究都指出PFAS可能致癌、導致體重增加、影響生育力、兒童發育和免疫系統。

為咗健康著想,大家都喺少食外賣為妙,取而代之可以多啲食住家飯,健康之餘又可以增進同屋企人嘅感情添!

圖: tmall